Ինչ է փնտրում գործատուն

---

Յուրաքանչյուր տարի նորավարտ ուսանողների աշխատանքային գործունեությամբ զբաղվողները հավաքագրում են հարյուրավոր երիտասարդ, նպատակասլաց և հմուտ շրջանավարտների: Որևէ աշխատատեղի համար ճիշտ շրջանավարտ գտնելը հաճախ տքնաջան աշխատանք է պահանջում , այն է` ստուգումներ ու հարցազրույցներ կազմակերպելը` տվյալ պաշտոնի պահանջներին այս կամ այն շրջանավարտի համապատասխանությունը ստուգելու համար:
Ակնհայտ է , որ գործատուները փնտրում են որոշակի հմտություններով և հատկանիշներով օժտված ուսանողներ ` որոշակի պաշտոնների համար: Որոշ աշխատանքներ պահանջում են մի շարք առանձնահատուկ հմտություններ ու հատկանիշներ, մինչդեռ մյուսների պարագայում պահանջվում են ավելի ընդհանուր որակներ, որոնք ցանկալի են գործատուների մեծամասնության համար: Շրջանավարտների հմտությունները, դրանց գնահատման և գործատուների պահանջների բավարարման խնդիրները երկար ժամանակ ուշադրության կենտրոնում են եղել:
 

Ինչու աշխատանքի ընդունել շրջանավարտներին:

Շատ պատճառներ կան , թե ինչու ընկերությունը կշահի` անդամներ ներառելով Ավստրալիայի նորարար և բարձր հմտություններով օժտված շրջանավարտներից: Հենց իրենց` գործատուների համար կարևորագույն նշանակություն ունեցող պատճառներից են ներքոհիշյալները.

• ապահովել միջին և ավագ կառավարիչների համապատասխան բազա
• բավարարել փորձառու և բարձրագույն կրթություն ունեցող անձանց կարիքները բիզնեսի բնագավառում / ընկերություն, որը պահանջում է արհեստավարժ և բարձրորակ աշխատակազմ
• աշխատավայրում առաջարկել նոր և թարմ գաղափարներ, գիտելիքներ և տեխնիկա

Որակներ, որոնք գործատուները փնտրում են շրջանավարտների մեջ

Հետազոտությունները ցույց են տալիս, որ շրջանավարտներին աշխատանք առաջարկողները նրանց մեջ փնտրում են այնպիսի ընդհանուր հմտություններ և հատկանիշներ, որոնք կարևոր են գրեթե բոլոր տիպի աշխատանքներում: Հատկապես ուշադրության արժանի կլինեն այն շրջանավարտները, որոնք կցուցաբերեն.

գակադեմիական ձեռքբերումներ գործին առնչվող առարկայից
• գրագիտություն
• հիմնային գիտելիքներ մաթեմատիկայից
• հիմնային համակարգչային գիտելիքներ
• ժամանակի օգտագործման կարողություն
• բանավոր և գրավոր հաղորդակցական հմտություններ
• ներանձնական որակներ
• թիմային աշխատանքի հմտություններ
• խնդիրներից գլուխ հանելու հմտություններ
• բիզնեսի գործընթացների վերաբերյալ գիտելիքներ

Շրջանավարտների Կարիերայի Ավստրալիայի բաժնի 2006թ.-ի հետազոտությունները ցույց են տալիս, որ շրջանավարտներին աշխատանքի ընդունելիս ընտրությունը կատարվել է երեք հիմնական դրույթներով` ներանձնական որակներ և հաղորդակցական հմտություններ (57.5% ), ակադեմիական որակավորումներ ( 35.4% ) և աշխատանքային փորձ ( 27.6% ):

Գործին առնչվող որակավորումների և մասնագիտական հմտությունների ու գիտելիքների հետ մեկտեղ գործատուների մեծամասնությունը իրենց հավանական աշխատակիցների մեջ գնահատում է նաև անձնական հատկանիշները: Գործատուների կողմից հաճախ նշվող հատկանիշներից են.

• խանդավառություն
• նպատակաուղղվածություն
• փառասիրություն
• հասունություն
• ինքնաներկայացման, խնամված և լավ հագնված լինելու կարողություն

Գործատուները սիրում են նաև իրենց աշխատակիցների մեջ տեսնել անկեղծ հետաքրքրություն իրենց աշխատանքի հանդեպ:

Շատ գործատուներ նշում են մի շարք հատկանիշների պակասություն շրջանավարտների մոտ.

գստեղծագործ էություն և հակումներ
• բանավոր բիզնես-հաղորդակցություն
• խնդիրներ լուծելու կարողություն

Հատկանշական է, որ հենց այս երեք հատկանիշներն են, որոնք բարձր են գնահատվում գործատուների կողմից:

Ձախողված շրջանավարտների մոտ, ավելի քան հաջողակների մոտ, պակասում է կամ նվազագույն դեպքում ճիշտ չի արտահայտվում անկախ և քննադատական մտածողությունը: Այս հատկանիշը շատ կարևոր է բազում գործատուների համար, և թվում է` այն հատկանիշն է, որով հաջողակ կամ անհաջողակ շրջանավարտները տարբերվում են միմյանցից:

Բազմաթիվ ոլորտներում աշխատուժը արագորեն փոփոխվում է` ի պատասխան հասարակական և շրջակա միջավայրի ,նաև տեխնոլոգիական փոփոխություններին:
Այս պարագայում գործատուները ավելի շատ կարիք ունեն այնպիսի շրջանավարտների կամ աշխատակիցների , որոնք դրսևորում են ճկունություն և հարմարվողականություն ` ցույց տալով, որ իրենք ի վիճակի կլինեն դիմակայել ապագայում սպասվող փոփոխություններին:
Նոր շրջանավարտները կշահեն իրենց կարիերայի ընթացքում շարունակական ուսուցումից, հմտությունների ու գիտելիքների զարգացումից և նորացումից:

Հմտություններ ապագայի համար:

Հաջողակ և անհաջողակ շրջանավարտների հիմնական տարբերությունները:

Որ պարագայում են շրջանավարտները հուսախաբ անում:

Անձնական հատկանիշներ: