Ուսումն ավարտելու և մինչև այդքան սպասված առաջին աշխատանքային հրավերը ստանալու միջև ընկած ժամանակահատվածը սկզբում կարող է երկարատև և լարված լինել: Բայց կարևոր է հուսահատության չմատնվելը:
Որոշ մարդիկ կարծում են, որ առաջին փորձից կատարյալ աշխատանք ստանալը հեշտ է և կատարվում է մեկ ակնթարթում,այնպես որ նրանք դյուրությամբ կարող են անցում կատարել ուսանողական սեղանից աշխատանքայինի: Իդեալական աշխարհում ամեն ինչ հենց այդպես էլ կլիներ, բայց , դժբախտաբար, այլ է իրականությունը:
Կարևոր է հիշել , որ հաճախ այնքան էլ հեշտ չէ հաստատվելը: Մեր օրերում աշխատանքային ոլորտները գերազանցապես մրցակցային են, և աշխատանքի որոնման շրջանը կարող է դժվարին և երկար լինել: Այն կարող է բավական երկար ժամանակ խլել, հաճախ ամիսներ, ինչի ընթացքում հնարավոր են բազմաթիվ մերժումներ:
Անհրաժեշտ է դրական տրամադրվել: Ահա որոշ օգտակար և կարևոր դրույթներ, որոնք կօգնեն Ձեզ առավելագույնի հասցնել հաջողությունը` նվազագույնի հասցնելով լարվածությունը և աշխատանք փնտրելու ժամանակահատվածը դարձնելով հնարավորինս հաճելի և տրամադրող:
Որոշ հուշումներ դրական տրամադրված լինելու վերաբերյալ:
Հիշեք` Դուք մենակ չեք : Ձեզ կարող է թվալ, թե միայն Դուք եք չարչարվում , բայց Դուք միայնակ չեք, Ձեզ հետ միևնույն նավակում շատերը կան, հարցրեք թեկուզ Ձեր ընկերներին: Աշխատեք այդ ամենն անձնապես չընդունել: Մերժումը մեծապես հիմնված է լինում փորձի և հմտությունների պակասի, այլ ոչ թե անձնական նկատառումների վրա: Աշխատեք ավելի հեռուն տեսնել:
Այս շրջանը հավանաբար ամենաբարդն է : Առաջին, ամենակարևոր աշխատանքը ստանալուց հետո, թերևս, ավելի հեշտ կլինի հաջորդող աշխատանքները ստանալ:
Կապ պահպանեք Ձեր ուսանող ընկերների հետ, որոնք նմանատիպ իրադրության մեջ են: Հանդիպեք սուրճի սեղանի շուրջ, հիշեք, որ մենակ չեք և խրախուսեք միմյանց: Զարմանալի է, թե ինչքան օգտակար կարող է դա լինել` Ձեզ բարոյապես ամուր և նպատակաուղղված պահելու համար:
Որոշ հուշումներ արդյունավետ մնալու և բարձունքում լինելու վերաբերյալ :
Նորավարտները հաճախ հանդիպում են այնպիսի իրադրության, որին Դուք արդեն ծանոթ եք. Դուք փորձի կարիք ունեք աշխատանք ստանալու համար, այնինչ փորձ ձեռք բերելու համար աշխատանք է հարկավոր: Մի±թե այլ ելք չկա: Կամավոր աշխատանքը կարող է առաջին վճռական քայլը լինել Ձեր նախընտրած ոլորտում աշխատանք ապահովելու ուղղությամբ: Կապ պահպանեք Ձեր նախկին ուսուցիչների և դասախոսների հետ: Նրանք հաճախ լավ կապեր ունեն այն ոլորտի աշխատակիցների հետ, որով Դուք հետաքրքրված եք: Տեղյակ պահեք նրանց, որ աշխատանք եք փնտրում և շարադրեք Ձեր նպատակներն ու շահերը: Հիշեք այս հին ասացվածքը. ” Կարևոր չէ` ինչ գիտես, կարևոր է` ում գիտես”:
Կապի մեջ եղեք նաև այլ նորավարտների հետ, որոնք ևս կարող են հավանական միջնորդ հանդիսանալ Ձեր` աշխատանք ստանալու գործում :
Զարգացրեք Ձեր հաղորդակցական հմտությունները: Մի́ վախեցեք մոտենալ մարդկանց և հարցնել. Դուք կորցնելու ոչինչ չունեք:
Աշխատեք հնարավորինս շատ ծանոթներ ձեռք բերել Ձեզ հետաքրքրող ոլորտում և ճանաչում ձեռք բերել այնտեղ: Մի́ վախեցեք Ձեր ռեզյումեն ուղարկել հավանական գործատուներին, եթե անգամ նրանք աշխատանքի հայտարարություն չեն արել:
Փորձառու մեկին խնդրեք ստուգել և ուղղել Ձեր ռեզյումեն:
Անգամ լավ ռեզյումեն կարելի է արտակարգ դարձնել փորձառու մեկի օգնությամբ:
Որևէ մեկի հետ փորձնական հարցազրույց անցկացրեք : Դա կօգնի Ձեզ զարգացնել Ձեր հաղորդակցական հմտությունները, երկակի հարցերից գլուխ հանելու փորձ կտա, իսկ ամենակարևորը ` կամրապնդի Ձեր ինքնավստահությունը:
Աշխատատեղեր:
3734
