Գործատուները հեռախոսային հարցազրույցի միջոցով որոշակիացնում ու թեկնածուներ են փնտրում աշխատանքի համար: Հեռախոսային հարցազրույցները հաճախ կիրառվում են թեկնածուների հետ ծանոթանալու համար` դեմ առ դեմ հանդիպման հրավիրվողների թիվը կրճատելու համար: Դրանք նաև հարցազրույցի կազմակերպման հետ կապված ծախսերը կրճատելու համար են:
Մինչ Դուք եռանդով աշխատանք եք փնտրում , անհրաժեշտ է նաև ամեն վայրկյան պատրաստ լինել հեռախոսային հարցազրույցի: Անհնար է •ուշակել, թե երբ աշխատանքային միջնորդը կզան•ահարի ու կհարցնի` արդյոք կարող եք մի քանի րոպե տրամադրել իրեն:
Պատրաստ եղեք հարցազրույցի
Պատրաստվեք հեռախոսային հարցազրույցի ճիշտ այնպես, ինչպես սովորական հարցազրույցի պարագայում: Կազմեք Ձեր առավելությունների ու թերությունների ցուցակը, ինպես նաև ընդունված հարցերի պատասխանների ցանկը:
• Ձեր ռեզյումեն ձեռքի տակ պահեք կամ ամրացրեք հեռախոսին մոտ` պատին, որպեսզի հարցերին պատասխանելիս կարողանաք օգտվել դրանից:
• Կազմեք Ձեր նվաճումների ցուցակը:
• Գրիչ ու թուղթ պահեք` նշումների համար:
• Անջատեք զանգերի սպասման ծառայությունը` հեռախոսազրույցը չընդհատելու համար:
• Եթե հեռախոսազանգը հարմար ժամի չէ, խնդրեք այլ ժամի զանգահարել, առաջարկեք այլ տարբերակներ:
• Հեռացրեք երեխաներին ու տնային կենդանիներին: Անջատեք ռադիոն ու հեռուստացույցը: Ծածկեք դուռը:
Փորձեք հարցազրույցը
Հեռախոսով խոսելն այնքան էլ հեշտ չէ, որքան թվում է : Իմ կարծիքով պատրաստվելն օգտակար է: Ձեր ընկերներից կամ ընտանիքի անդամներից մեկին խնդրեք փորձնական հարցազրույց անցկացնել, այն ձայնագրեք ու լսեք` ինչպես եք խոսում հեռախոսով: Դրա համար կարելի է օգտագործել ցանկացած ձայնագրիչ: Դրա շնորհիվ կարող եք լսել Ձեր սխալները և ուղղել դրանք: Կրկնեք նաև հաճախ առաջադրվող հարցերի պատասխանները:
Հարցազրույցի ընթացքում
• Մի́ ծխեք, մաստակ մի́ ծամեք ու մի́ կերեք կամ խմեք:
• Պատրաստ պահեք մեկ բաժակ ջուր ` անհրաժեշտության դեպքում կոկորդը թրջելու համար:
• Ժպտացեք: Ժպիտը կօգնի լավ տպավորություն թողնել ու կփոխի Ձեր ձայնի տոնայնությունը:
• Դանդաղ խոսեք ու պարզ արտաբերեք բառերը:
• Օգտագործեք անձի ազգանունը ( պրն. , տկ. և ազգանունը ): Անունը օգտագործեք միայն եթե նա ինքը խնդրի:
• Մի́ ընդհատեք խոսակցին:
• Մի́ շտապեք - բնական է մեկ-երկու րոպե մտածել` մտքերը ի մի բերելու համար:
• Կարճ պատասխաններ տվեք:
• Հիշեք` Ձեր նպատակը դեմ առ դեմ հանդիպման իրավունք ստանալն Է: Շնորհակալություն հայտնելուց հետո հարցրեք` կարող եք անձամբ հանդիպել:
Հարցազրույցից հետո
• Նշումներ արեք Ձեզ առաջադրված հարցերի ու պատասխանների վերաբերյալ:
• Մի́ մոռացեք շնորհակալություն հայտնել: Եվս մեկ շնորհակալական հղում ուղարկեք` գործի նկատմամբ Ձեր հետաքրքրությունը ապացուցելու համար:
Աշխատատեղեր:
3734
