Եկեք ընդունենք, որ դիմում-հայտեր կարդալը և ռեզյումե/ CV-ների համառոտ ցանկ կազմելը բնավ էլ ամենահետաքրքիր առաջադրանքը չէ գործատուի համար: Դրան ավելացրած նաև այն, որ ներկայիս մրցակցային աշխատանքային շուկայում կարող են լինել անհամար , նույնիսկ հազարավոր դիմողներ մեկ աշխատանքի համար: Սա նշանակում է, որ միջին կամ ավելի ցածր մակարդակի ռեզյումե/ CV -ները լավագույն դեպքում արագ աչքի կանցկացվեն կամ մի կողմ կդրվեն: Մենք խորհուրդ ենք տալիս զննել ռեզյումեի օրինակներ: Ռեզյումեի նմուշ Այսպիսով, ինչ կարող եք անել` դիմումների այդ խառնաշփոթից վեր կանգնելու Ձեր հնարավորությունները մեծացնելու համար:
Ելքը Ձեր ռեզյումե/ CV-ի վերևում աչքի զարնող պրոֆիլ գրելն է, ինչը կստիպի գործատուին շարունակել ընթերցումը: Պրոֆիլի դերը կայանում է նրանում, որ այն ընթերցողին համոզում է` այս դիմողը միակն է և նրա ռեզյումե/ CV-ին արժանի է ավելի ուշադիր ընթերցանության: Ըստ էության, պրոֆիլը ուղղեկցող նամակի “խտացված” տարբերակն է, սակայն այն տվյալ թափուր աշխատատեղի հետ կապված հատուկ հղումներ չունի:
Եթե Ձեզ թվաց, թե պրոֆիլ գրելը Նոբելյան մրցանակակրին արժանի գործ է, խորը շունչ քաշեք. դա այնքան էլ դժվար չէ, որքան թվում է: Կարելի է այն բաժանել երեք մասի, որոնք հետագայում կարող եք կապել միմյանց մի քանի օգտակար արտահայտություններով:
Նախ, սկսեք Ձեր ունեցած փորձից: Մոռացե́ք ներկայի վերաբերյալ մանրամասնությունները. դրանց մասին կնշեք Ձեր ռեզյումե/ CV-ում: Սովորաբար հնարավոր է տարբերակել մեկից երեք բաժիններ, որոնցում տեղակայվում է Ձեր փորձը: Դուք կարող եք Ձեր պրոֆիլը սկսել .“Տասը տարվա աշխատանքային փորձ մարկետինգի և սպասարկման ոլորտի բնագավառում ” նախադասությամբ, եթե այն համապատասխանում է Ձեր նախադրյալներին: Աշխատեք չափազանց որոշակի չլինել աշխատանքային ոլորտների ենթաբաժանման վերաբերյալ, եթե դրանք իսկապես չեն առնչվում այդ աշխատանքին:
Ապա մատնանշե́ք որոշ էական հմտություններ ու կարողություններ: Դա կարող է գործատուի ուշադրությունը բևեռել մի շարք պատճառների վրա, թե ինչու եք հենց Դուք համապատասխանում իրենց աշխատանքին: Մեր բերած օրինակի պարագայում կարող եք նշել այնպիսի ընդունակություններ, ինչպիսիք են “ գնորդների հետ շփման և ղեկավարման հմտություններ ”:
Երբ Ձեր նախադրյալներն արդեն ներկայացված են, Դուք կարող եք նշել` ինչ եք փնտրում և ուր կցանկանայիք գնալ ապագայում: Մի́ անհանգստացեք, եթե դրա մասին պարզ պատկերացում չունեք. Դուք կարող եք նշել մի նպատակ, որը հարմար է թվում այն աշխատանքին, որի համար դիմում եք: Օրինակ. “ Ցանկանում եմ զարգացնել իմ կարիերան մանրածախ առևտրի բնագավառում ”:
Այժմ, երբ Ձեր պրոֆիլի կմախքն արդեն պատրաստ է, մնում է որոշ լրացումներ անել: Պետք է ավելացնել, թե ինչպիսի անձնավորություն եք Դուք , ինչը կստիպի գործատուին շարունակել կարդալ: Օգտագործեք մի քանի ածականներ, որոնք կուժեղացնեն տպավորությունը , բայց չափազանցություն չեն թվա: Կարող եք անգամ մի քանի բան նշել այն մասին, թե ինչպես կարող եք օգտակար լինել գործատուին: Այսպիսով, Ձեր պրոֆիլը կունենար հետևյալ տեսքը.“ Տասը տարվա զգալի աշխատանքային փորձ մարկետինգի և սպասարկման ոլորտի բնագավառներում, միաժամանակ հաճախորդների հետ շփման և ղեկավարման ընդունակություններ: Ներկայումս ձգտում եմ նվաճել նոր հորիզոններ և նպաստել Ձեր ընկերության արդյունավետ մարկետինգին մանրածախ առևտրի բաժնում ”:
Այնքան էլ դժվար չէ, այնպես չէ: Եթե դրա շուրջ մանրակրկիտ մտածեք, ապա այն փոփոխեք տարբեր աշխատանքների համապատասխանեցնելու համար, ապա Ձեր պրոֆիլի շնորհիվ հանդես կգաք որպես կազմակերպված, լավատեղյակ և հաղորդակցական գերազանց ընդունակություններով օժտված անձ: Կարճ ասած` փայլն է Ձեր ռեզյումե/ CV-ին անդիմադրելի դարձնում:
Աշխատատեղեր:
3734
