Ռեզյումեի որ տիպն է ավելի նպատակահարմար Ձեզ համար

---

Տեղյակ եք , որ ռեզյումե/ Cv –ների կիրառության տարբեր ձևեր կան: Կախված Ձեր կարիերայի իրադրությունից` հնարավոր է ավելի նպատակահարմար տարբերակ, որն ավելի արդյունավետ կլինի: Տեսակներից յուրաքանչյուրն իր առավելություններն ու թերությունները ունի , ուստի կարևոր է քննարկել բոլոր տարբերակները` նախքան որոշում կայացնելը:

Ժամանակագրական Ռեզյումե/ CV , Ռեզյումեի Նմուշ

Եթե նախատեսել եք փոխել Ձեր աշխատանքը, սակայն շարունակելու եք աշխատել միևնույն ոլորտում , Ժամանակագրական ռեզյումեն թերևս լավագույն տարբերակն է: Այն ամենատարածված տարբերակն է և հավանաբար Ձեզ ամենածանոթը: Այն լավ տարբերակ է նաև, երբ փոխում եք ոլորտը ` տեղափոխվելով շատ մոտ աշխատանքային բնագավառ: Ձեր կարիերայի պատմությունը ներկայացվում է հստակ ժամանակագրական հերթականությամբ` հատուկ ուշադրություն դարձնելով աշխատանքի անվանման և գործատուների անունների վրա: CV-ստեղծման համակարգ Այն օգտակար է, եթե Ձեր ներկայիս և նախկին գործատուները լավ հայտնի կազմակերպություններ են: Այն պարզորոշ կերպով ի ցույց է դնում Ձեր կարիերայի զարգացումը` ներառյալ նաև առաջխաղացումները: Ոմանք նախընտրում են Ժամանակագրական ռեզյումե/ Cv –ին, որովհետև այն պարզ է և դյուրընթեռնելի:

Ինչևիցե, որոշ դեպքերում Ժամանակագրական ռեզյումե/ Cv –ին ամենևին էլ ամենահարմար տարբերակը չէ, և Գործառական, Նպատակաուղղված կամ Այլընտրանքային ռեզյումե/ CV կարող են ավելի արդյունավետ լինել հարցազրույցի հրավեր ստանալու համար:

Գործառական ռեզյումե/ CV

Եթե Ձեր կարիերան բազմաժանր է , կամ Դուք ցանկանում եք փոխել ոլորտը, այս տարբերակը կարող է հարմար լինել, քանի որ այն վեր է հանում Ձեր աշխատանքային պատմության գլխավոր ձեռքբերումները և գործառույթները (հմտությունները, ունակությունները կամ փորձառությունը) : Աշխատանքի անվանումները և կազմակերպությունները կորցնում են իրենց կարևորությունը, իսկ երբեմն ամբողջապես կրճատվում են: Գործառական ռեզյումե/ CV –ին կարող է օժանդակել Ձեր աշխատանքային դիմումին, եթե ցանկանում եք ուշադրություն հրավիրել Ձեր այն որակական հատկանիշների վրա, որոնք չեք կիրառել Ձեր վերջին աշխատանքում : Այն լավ է գործում նաև, եթե Դուք բազմազան աշխատանքներ եք փոխել, քանի որ թույլ է տալիս համախմբել Ձեր ողջ փորձը:
Այնուամենայնիվ, կան դեպքեր, երբ այն բնավ էլ ամենահարմարը չէ: Առաջխաղացումը այնքան էլ ազդեցիկ չէ , քանի որ պաշտոնների ցուցակը երկրորդ Էջում է : Նույն պատճառով էլ նախկին հայտնի գործատուները կարող են աննկատ մնալ( չնայած Դուք կարող եք նրանց վերաբերյալ տեղեկատվություն տալ Ձեր պրոֆիլում կամ cover-letter-ում): Եթե շատ պարտավորություններ չեք ունեցել, այս ռեզյումե/ CV –ին կարող է Ձեր փորձը աննշան ցույց տալ: Մեկ այլ անհարմարություն է այն փաստը, որ գործատուները գուցե չհավանեն այս տարբերակը. նրանց քաջ հայտնի է, որ վերջինս կարող է օգտագործվել թույլ տեղերը ծածկելու համար :

Նպատակաուղղված Ռեզյումե/CV

Ռեզյումե/ CV –ի այս տարբերակը շեշտում է այն հմտությունները և փորձը , որոնք ուղղակիորեն առնչվում են այն աշխատանքին կամ ոլորտին , որի համար դիմում եք: Այն գերազանցապես նպատակահարմար է , եթե պատրաստվում եք փոխել Ձեր կարիերայի ուղղվածությունը: Այն շեշտը դնում է Ձեր ընդունակությունների և ձեռքբերումների վրա` ոչ միայն վերջին աշխատանքի, այլև ողջ կարիերայի ընթացքում: Այն կարող է ներառել Ձեր կամավոր կամ անվճար աշխատանքները: Դա նաև նշանակում է , որ Դուք կարող եք դիմել միանգամայն տարբեր աշխատանքների համար` կիրառելով յուրաքանչյուր պարագայի համար հարմար ռեզյումե/ CV:

Թերությունները այն են, որ ակնհայտ չեն Ձեր առաջխաղացումները կան կարիերայի զարգացումը, քանի որ այդ տեղեկատվությունը տեղակայվում է երկրորդ էջում ( եթե ներառվում է ): Գործատուների անունները ստորադասվում են, և ինչպես Գործառական ռեզյումե/ CV –ի դեպքում, շատ գործատուներ չեն սիրում այս տարբերակը:

Այլընտրանքային Ռեզյումե/CV

Ռեզյումե/ CV –ի այս տեսակը հաճախ կիրառվում է տաղանդավոր մարդկանց կողմից, որոնք աշխատանք են փնտրում ստեղծագործական ոլորտներում ` դիզայն, լրագրություն կամ հասարակական հարաբերություններ, քանի որ այն գերազանցապես անհատական է և կիրառում է եզակի տեսողական ոճ: Այս տարբերակը հարմար է միայն այն պաշտոնների համար, որոնք պահանջում են բացառիկ տեսողական կամ հռետորական տաղանդ, այն էլ միայն այն դեպքում, երբ դիմում- հայտը տրվում է հենց այն անձին, ում մոտ աշխատելու եք: Անգամ այդ դեպքում այն կարող է ձախողվել, եթե սխալ դրույթ է շոշափում:

Ռեզյումե/ CV –ի այս տեսակը երբեք չպետք է ուղարկել անձնակազմային բաժանմունքներին կամ հայտարարված թափուր աշխատատեղերին: Այն միանգամայն անհամապատասխան է ավագ մենեջերների կամ գործադիր պաշտոններ վարողների համար , որոնք ցանկանում են պատասխանատու պաշտոններ ստանձնել: