Ինչպես ավելի լավ հարցազրույց վարել

---

Աշխատանքային հարցազրույցները կարող են շատ նյարդային փորձություններ լինել հատկապես շրջանավարտների համար, որոնք այնքան էլ ծանոթ չեն այդ ամբողջ գործնընթացին: Կարևոր է հիշել, որ յուրաքանչյուրն էլ կունենար միևնույն կանխազգացումը, ինչը և Դուք: Սակայն հարցազրույցից վախենալու պատճառ չկա . ճիշտ պատրաստվածությունը և տքնաջան աշխատանքը կօգնեն Ձեզ աշխատանք ստանալու ճանապարհին: Ստորև բերվում են մի քանի կարևոր հուշումներ, որոնք կօգնեն Ձեզ պատրաստվել հաջող հարցազրույցի:

Նախքան հարցազրույցը

Կատարե́ք հետազոտական աշխատանք
Կարևոր է ժամանակն օգտագործել` ուսումնասիրելու թե́ այն աշխատանքը, որի համար դիմել եք, թե́ այն ընկերությունը, որն առաջարկում է այն: Ուշադի́ր կարդացեք աշխատանքի գովազդը և ամբողջական բնութագիրը: Եթե աշխատանքի բնութագիրը ներառված չէ աշխատանքի նախնական ցուցակում, այն կարող է տեղակայված լինել ընկերության կայքում:Հակառակ դեպքում կարող եք անմիջական կապ հաստատել ընկերության հետ և խնդրել մեկ օրինակ:
Օգտակար է ուսումնասիրել գործատուի կայքը` համոզվելու համար, որ Դուք լավ իրազեկված եք ընկերության և նրանց աշխատանքի մասին: Ուշադի́ր կարդացեք “ Մեր մասին ” էջը և ցանկացած տեղեկատվություն , որ նրանք տրամադրում են աշխատանքի և առաջխաղացման հնարավորությունների վերաբերյալ: Օգտակար կարող է լինել ցանկացած տեղեկատվություն ընկերության հիմնական անձնակազմի, ինչպես նաև ցանկացած լրատվական միջոցների կամ նորությունների բաժնի մասին: Եթե կարող եք ձեռք բերել ընկերության տարեկան զեկույցները, ապա դրանք ևս անգնահատելի աղբյուր են` Ձեր գործատուի մասին ավելի շատ բան իմանալու համար:
Հետաքրքիր է, որ շրջանավարտների կարիերայի կազմակերպման Ավստրալիայի մասնաճյուղի (GCA) ուսումնասիրությունները ( Ավստալական և Նորզելանդական գործատուների ուսումնասիրություն, որոնք կանոնավոր կերպով անդամագրում են շրջանավարտներին) ցույց են տալիս, որ աշխատանքի համար դիմողների գիտելիքները կազմակերպության վերաբերյալ գնահատվել են “բավարար” կամ “ վատ” գործատուների ավելի քան կեսի ( 55.8 %) կողմից: Սա ցույց է տալիս, որ շրջանավարտներին անհրաժեշտ է ավելի շատ ժամանակ և ջանք ներդնել ապագա գործատուներին մանրամասն ուսումնասիրելու և ,թերևս, հարցազրույցին նախորդող համապատասխան հարցեր նախապատրասելու համար:

 

Կանխավ փորձե́ք հարցազրույցը

Մտածե́ք այն հարցերի շուրջ, որոնք հավանական է ` առաջադրվեն Ձեզ (տե́ս ստորև ) և լրջորե́ն մտածեք Ձեր պատասխանները : Կարևոր է վստահ տեսք ունենալ ` առանց չափազանց պատրաստված թվալու: Ավելի քան հավանական է , որ Ձեզ կխնդրեն օրինակներ բերել ձեր ունեցած փորձից, այնպես որ փորձե́ք մտապահել պատրաստի օրինակներ ( թերևս այնպիսի դեպքեր, երբ գործել եք սեփական նախաձեռնությամբ կամ ընկել եք դժվարին կացության մեջ): Աշխատե́ք` Ձեր պատասխանները լինեն պարզ և հակիրճ: Օգտագործե́ք Ձեր ձեռքբերումների և փորձի դրական օրինակներ, երբեք կանգ մի́ առեք բացասական փորձի վրա:
Հարցազրույց վարող անձինք սովորաբար ընձեռում են հարցեր տալու հնարավորություն, այնպես որ պատրաստե́ք մի քանի հարցեր ` ցույց տալու համար, որ մտածել եք այդ աշխատանքի և ընկերության շուրջ: Լավ օրինակ կարող են հանդիսանալ հարցերը ընկերության ներսում փորձ ձեռք բերելու կամ առաջխաղացման վերաբերյալ: Կարող եք հարցեր ուղղել նաև ընկերության հետագա զարգացման կամ ընդարձակման նախագծերի մասին:
Խնդրե́ք որևէ ընկերոջ կամ ընտանիքի անդամի , կամ ,թերևս ավելի լավ է, լավատեղյակ ինչ-որ մեկի փորձնական հարցազրույց անցկացնել Ձեզ հետ: Դա կօգնի զարգացնել Ձեր հաղորդակցական հմտությունները , Ձեզ դժվար հարցերի հետ գործ ունենալու փորձ կտա և ամենակարևորը` կօգնի ինքնավստահություն ձեռք բերել: Խնդրե́ք Ձեր փորձնական հարցազրույցը վարողին , որ հուշի և նախազգուշացնի այնպիսի ընդհանուր սխալների մասին , ինչպիսիք են քթի տակ կամ շատ արագ խոսելը :
Նախքան հարցազրույցը հավաստիացե́ք , որ տեղյակ եք այնպիսի կարևոր մանրամասներից, ինչպիսիք են հարցազրույցի անցկացման վայրը, ժամը և հարցազրույցը վարողի անունը:
Վատ չէր լինի նաև նախօրոք փնտրել հարցազրույցի անցկացման վայրը ( հատկապես երբ այդ վայրն անծանոթ է Ձեզ) և համոզվել, որ գիտեք ինչպես հասնել այնտեղ և որքան ժամանակ դա կպահանջի Ձեզանից: Կարող եք նաև այդ կարևոր օրվանից առաջ այցելել այդ վայրը` ավելի վստահ լինելու համար , որ գիտեք` ուր եք գնալու:

Հարցազրույցի ընթացքում

Լավ միտք է նաև ժամանել 30 րոպե վաղ` ճանապարհի անկանխատեսելի ուշացումներից խուսափելու նպատակով: Շատ ավելի լավ է որոշ ժամանակ սպասել մինչև հարցազրույցը, քան ուշանալ: Այդ ժամանակն օգտագործե́ք հանգստանալու ( կարճատև զբոսանք կատարեք կամ սուրճ ըմպեք ) և վերջին նախապատրաստությունները կատարելու նպատակով:
Կան մի քանի բաներ, որոնք հարցազրույցի ընթքացքում կօգնեն Ձեզ հանգիստ և վստահ զգալ, լավ տպավորություն թողնել հարցազրույցը վարողի վրա:
Հարցազրույցը վարողին ողջունե́ք սիրալիր ժպիտով և ձեռքսեղմումով:
Փորձե́ք նվազագույնի հասցնել նյարդային այնպիսի սովորությունները , ինչպես օրինակ եղունգները կրծելը, անհանգիստ շարժումներ անելը և հռհռալը:
Խուսափե́́ք այնպիսի բառեր ասելուց, ինչպիսիք են “ ինչպես” կամ “ դե , դուք գիտեք”:
Հարցազրույցի ընթացքում նայե́ք այն վարողի աչքերին, իսկ եթե հարցազրույցը վարում են մեկից ավելի անձինք, փորձե́ք հավասարապես խոսել նրանց հետ:
Փորձե́ք հանգստանալ, ինքնավստահ լինել և ժպտալ:

 

Որոշ կարևոր դրույթներ, որոնցից անհարաժեշտ է խուսափել

• Խուսափե́ք ուշանալուց:
• Նսեմացուցիչ կամ բացասական ակնարկներ մի́ արեք նախորդ գործատուի մասին:
• Մի́ ընդհատեք որևէ մեկին:
• Երբեք մի́ ստեք Ձեր հմտությունների, որակավորման կամ փորձի մասին:
• Ձեր հեռախոսը միացված մի́ թողեք:
• Մի́ փորձեք ղեկավարել կամ ուղղորդել հարցազրույցը. թողե́ք` հարցազրույց վարողն ինքը ուղղորդի հարցազրույցը և ուշադիր լսեք այն ամենը, ինչ նրանք ասում են:

 

10 ընդհանուր հարցեր, որոնք կարող են Ձեզ առաջադրվել

Չկա հարցազրույցի համար նախատեսված հարցերի կամ գործընթացների ընդունված կարգ , բայց կան որոշ հարցեր, որոնք պարբերաբար առաջադրվում են և որոնք նախընտրում են որոշ գործատուներ: Ստորև ներկայացվում է առավել հաճախ առաջադրվող 10 հարցերի ցուցակը , որին Դուք , ցանկության դեպքում ,կարող եք ծանոթանալ.
• Ինչու եք ցանկանում այս աշխատանքը:
• Ինչու մենք պետք է Ձեզ աշխատանքի վերցնենք:
• Ինչ եք կարծում ` ինչ կանեք հինգ տարի անց:
• Որոնք են Ձեր մեծագույն նվաճումներից մի քանիսը:
• Ինչպես եք ուղղություն ընտրում :
• Կարող եք աշխատել ճնշման տակ:
• Կարող եք մի քանի օրինակ բերել , երբ Դուք գլուխ եք հանել դժվարին կացությունից:
• Որոնք են Ձեր ուժեղ և թույլ կողմերը:
• Կարող եք բերել օրինակներ, երբ գործել եք սեփական նախաձեռնությամբ:
• Նախընտրում եք թիմային, թե անհատական աշխատանք: